1$ = 0 AMD 1€ = 0 AMD 1Р̵ = 0 AMD

Արթուր Ասատրյանը՝ Դոն Պիպոն, իր անձի շուրջ պտտվող լեգենդների, նորանշանակ վարչապետ Կարեն Կարապետյանի, ու Հայաստանի ապագայի մասին

Մարդու արժեքը գիտե՞ք որն է՝ ճիշտ ապրելը

Արթուր Ասատրյանը, նույն ինքը՝ հայտնի Դոն Պիպոն, ծնվել (1971թ.) եւ մեծացել է Էջմիածնում, որտեղ նա մեծ հեղինակություն է վայելում:
Արթուրի՝ Հռոմում գտնվող 4,8 հեկտարանոց վիլլան, որը ժամանակին եղել է Իտալիայի նախագահի ռեզիդենցիան, Հայաստանից եւ աշխարհի տարբեր երկրներից բազմաթիվ պատվիրակություններ է հյուրընկալել:
Արթուր Ասատրյանը` Պիպոն, առաջին անգամ Հայաստանից տեղափոխվել է 1994 թվականին, ապա՝ վերադարձել, եւ կրկին մեկնել է Իտալիա՝ վերջնականապես այնտեղ հաստատվելով:
Մի քանի տարի նա իր ընտանիքի հետ ապրել է Ռուսաստանում՝ Մոսկվայում, ապա 2006թ. տեղափոխվել է Հռոմ: Ունի երկու զավակ.դուստր եւ որդի, ովքեր հասցրել են լավագույն կրթություն ստանալ Քեմբրիջի համալսարանում, եւ հասարակության համար պիտանի մարդիկ դառնալ:

Ըստ Ա. Ասատրյանի` իր հիմնական բիզնեսը կենտրոնացած է Ռուսաստանում եւ արտասահմանյան որոշ երկրներում: Նա զբաղվում է գրասենյակային շենքերի շինարարությամբ, որոնք հետագայում տրվում են վարձակալության, զբաղվում է նաեւ ոսկերչությամբ եւ ռեստորանային բիզնեսով:
Ի դեպ, 2007թ. Ա. Ասատրյանի հովանավորությամբ Հռոմի սրտում՝ 17-րդ դարի Սուրբ Նիկողայոս եկեղեցու եւ Լեւոնյան վարժարանի բակում տեղադրվել է խաչքար-հուշաքար՝ նվիրված Եղեռնի եւ Ղարաբաղի պատերազմի զոհերի հիշատակին: Խաչքարի օծման արարողությանը մասնակցում էին Իտալիայի կառավարության, Հռոմի քաղաքապետարանի ներկայացուցիչներ, Իտալիայում ՀՀ նախկին դեսպան Ռուբեն Շուգարյանը, հյուրեր Վրաստանից, Ռուսաստանից, Ֆրանսիայից, Հայաստանից: Արարողությանը ներկա էր նաեւ վրացի քանդակագործ Զուրաբ Ծերեթելին: Խաչքարն Իտալիա էր տեղափոխվել Հայաստանից:

Ինչեւէ, հայտնի հեղինակություն Արթուր Ասատրյանի՝ Դոն Պիպոյի մասին հայկական մամուլում բազում հրապարակումներ են եղել, որոնք շատ հաճախ հակասական ու իրարամերժ կարծիքներ ստեղծելու առիթ են հանդիսացել:

Իսկ թե ինչո՞վ է պայմանավորված Արթուր Ասատրյանի ՝Դոն Պիպոյի անձի շուրջ ստեղծված հետաքրքրությունը, եւ թե ինչպիսին է Դոն Պիպոն իրական կյանքում, Fnews.am-ը փորձեց այս եւ այլ հարցերի պատասխանը ստանալ հենց նրանից:

-Պարոն Ասատրյան, նախ եւ առաջ խոսենք նրա մասին, թե ինչու Ձեզ կնքեցին Դոն Պիպո անունով:Կարծիքներ կան, թե իտալական մաֆիան է Ձեզ Դոն կնքել:Չնայած որ, խոսակցություններ կան նաեւ այն մասին, որ Դոն անունը առավել կիրառելի է դարձել այն բանից հետո, երբ Հռոմի Պապի կողմից Ձեզ հանձնված մի պատվոգրի մեջ մակագրված է եղել՝ Դոն Արթուր Ասատրյանին, ճի՞շտ է:

-Դե դուք իրազեկված եք…այո իրականում նման բան եղել է: Բայց առհասարակ, ամեն մարդ իր ձեւով է ընկալում ցանկացած բան, որ լսում է: Հիշում ե՞ք Դոն Կոռլեոնեին. նրան հարգում էին ոչ թե որպես մաֆիոզի, այլ որպես հարգանք ու հեղինակություն ունեցող մարդու:
Ի վերջո, ի՞նչ է նշանակում Դոն: Դոն՝ նշանակում է պարոն, իսկ այդպես դիմում են այն մարդկանց, ում հարգում են:
Իհարկե ես չեմ թաքցնում, որ ե'ւ Իտալիայում, ե'ւ շատ այլ քաղաքներում ես մեծ կապեր ունեմ՝ պաշտոնական եւ իհարկե բիզնես շրջանակներում, ( ու անշուշտ իմ խոսքն ունեմ), բայց եւ պետք է նշեմ, որ ցանկացած շփում, հարաբերություն, փոխադարձ հարգանքի դաշտում է ձեւավորվում:
Մենք ընկերություն ենք անում: Որեւէ վատ բան չկա, եթե քեզ հարգում են ինչպես Դոնին, եթե կարողանում ես քեզ այնպես դրսեւորել, որ բոլորը քեզ հարգեն, դա վատ բան չի:
Այն էլ Իտալիայում, Հռոմում, ուր եթե քեզ սխալ պահես՝ չես կարող ոտքերիդ վրա ամուր կանգնել:
Եթե դու կարողացել ես հասնել այդ հարգանքին, որ քո մասին Իտալիայում այդպես խոսեն՝ ընդունեն, Դոնի պես սիրեն-հարգեն, դրանում որեւէ վատ բան պետք չի տեսնել: Դա դիմելաձեւ է, ոնց որ մեր պարոնը, ընդամենը դիմելու, հարգանքի նշան է: Իտալացիք պարզապես մարդկանց հարգել-սիրել ու գնահատել գիտեն: Իտալայիում առաջնահերթը՝ սեփական ժողովրդի, երկրի ու պետության շահն է, հետո նոր անձնականը: Իսկ Հայաստանում,  ցավոք սրտի առաջին պլանում անձնական շահն է, հետո նոր մնացածը: Տենց ճիշտ չի. մարդ պիտի կարողանա  ճիշտ ապրել, որ հետո իր արածների համար ոչ մի տեղ չամաչի: Մարդու արժեքը գիտե՞ք որն է՝ ճիշտ ապրելը:

-Այսինքն Հայաստանում լուրջ անելիքներ ունենք՝ հատկապես բարոյահոգեբանական մթնոլորտը առողջացնելու ուղղությամբ:


-Ես շատ եմ ցավում ու կարելի է ասել շատ ծանր եմ տանում, երբ Հայաստանում տեսնում եմ շատերը այսպես ասած խեղճացած ու կծկված են…Դա ինձ խիստ մտահոգում է: Ցավում եմ, որ ատելությունը, իրար հետեւից բամբասելը, փնովելը, առօրյա կյանք են մտել: Ավելին, շատ ավելի վատ եմ զգում, երբ տեսնում եմ ռեալ գործեր, լավ ձեռնարկներ կյանքի կոչելու փոխարեն՝ մարդիկ նստած հաշվում են ուրիշի փողը, նրա ունեցվածքը: Նստած քննարկում են՝ թե ով քանի հատ մեքենա ունի, եւ ինչ մակնիշի: Ով ինչ վիլաներ ունի եւ այլն, եւ այլն: Իմ կարծիքով, դա անլուրջ ու անիմաստ զբաղմունք է: Ամեն մեկը կարող է սկսել իր տնից. իր բակից ու իր օջախից: Իրար փնովելու, ու ուրիշի վրա քարեր նետելու փոխարեն, ավելի լավ է մարդիկ իրենց օջախում թեկուզ մի քար ավել դնեն:
Շատ կուզենայի, որ չարությունը մարդկանց միջից դուրս գար. որ նախանձը, իրար վատը կամենալը, մնային անցյալում:
Մենք արժանապատվություն ունեցող ժողովուրդ ենք, ո՞ւր է կորել հայի արժանապատվությունը, ինչո՞ւ պետք է հայ տղամարդը այս կամ այն պատճառով իրեն լիարժեք չզգա, ինչո՞ւ պիտի հայ տղամարդը (շատ ներողություն) խեղճանա իր ընտանիքի առաջ: Անկախ ամեն ինչից, ամեն մեկս մեր տեղում ամեն ինչ պետք է անենք, որ մեր հասարակությունը՝ հայ տղամարդը, կինը, մեր երեխաները, կարողանան ապրել նախ եւ առաջ առողջ բարոյահոգեբանական մթնոլորտում:

Երիտասարդությունը  պետք է ապագա տեսնի, ու ամբողջ օրը չպետք է ապրի տարբեր ֆիլմերի ազդեցության ներքո. ապրի ու ներշնչվի միայն կրիմինալով...

 

-Պարոն Ասատրյան, իսկ ավելի կոնկրետ. գործնականում ի՞նչ քայլեր է պետք անել հասարակության մեջ առկա արատավոր երեւույթները վերացնելու եւ նույն հասարակության ողնաշարը ուղղելու համար:

-Առաջին հերթին պետք է վստահություն առաջացնել: Հավատ, վստահություն ներշնչող քայլեր անել: Պետք է իսկապես գործ անել մեր երկրի, մեր վաղվա սերնդի ու մեր երեխաների համար: Սառույցը աստիճանաբար պետք է հալվի: Ամենակարեւորը՝ բոլորս միասին կարողանանք ճիշտ ուղու վրա կանգնեցնել մեր երիտասարդ սերնդին:
Որին հարցնում ես՝ ի՞նչ ես ուզում դառնալ, ասում ա՝ «ախրաննիկ»: Հայը ի՞նչ իրավունք ունի «ախրաննիկ» դառնա, հո մենք «ախրաննիկների» երկիր չե՞նք: Պետք է առողջ մտածելակերպ առաջանա: Երիտասարդությունը պետք է ապագա տեսնի, ու ամբողջ օրը չպետք է ապրի տարբեր ֆիլմերի ազդեցության ներքո. ապրի ու ներշնչվի միայն կրիմինալով:
Ես չեմ հասկանում, թե ինչու է էս աստիճան կրիմինալը գովազդվում: Չի կարելի մարդու բարոյական արժեհամակարգի վրա այդպիսի սխալ խաղադրույքներ կատարել: Եթե հասարակության մեջ կա հիվանդ երեւույթ, ապա շատ կներեք, հիվանդին պետք է բուժել: Որովհետեւ հիվանդ մարդուն՝ բացի բժշկից, ոչ ոք չի կարող օգնել: Հիվանդին բժշկել է պետք, թե չէ վաղը ուշ կլինի:
Էն ժամանակ՝ բոլորն իրար հարգում էին. որովհետեւ գիտեին, որ եթե իրենք օրը ցերեկով կամ ընդհանրապես քաղաքում բեսպրեդել անեին, քաղաքի մեծ, հեղինակավոր մարդիկ իրենց կկանչեին ու կասեին, որ իրենք վատ արարք են իրենց թույլ տվել, ու ամոթանք կտային: Ի՞նչ իրավունք ունեին ինչ-որ մեկի վրա ձեռք բարձրացնել: Աստված է մարդուն կյանք տվել, ու ոչ ոք՝ Աստծուց բացի, իրավունք չունի այն խլել:

Հարցը ճշտության մեջ ա: Այնպիսի մթնոլորտում պետք է ապրենք, որ հայ տղամարդը՝ միշտ համարձակ ու ազդեցիկ մնա: Որ արժանապատվությունը միշտ լինի առաջին տեղում, ինչպես որ եղել է բոլոր ժամանակներում: Եթե սենց գնա, հետագայում մենք իսկական տղամարդու պակաս կունենանք: Ինձ համար տղամարդ տղան նա է՝ ով սահմանին կռվում է թշնամու դեմ, հեղինակություն ու ազդեցիկություն ունեցողը նա է՝ ով մի լավ քայլ, մի լավ բան է անում մեր երկրի անվտանգության, մեր երկրի զարգացման ու առաջխաղացման համար: Այլ ոչ թե ամբողջ օրը նստած մտածում ա, ով ում հետ կռվի, ով ում հետ ոնց բախվի, որ իր գործերը լավ գնան: Պետք է կարողանաս ճիշտ ապրել.հարգանք ստեղծել, անուն ու խոսք ունենալ, որպեսզի քո խոսքն էլ հարգեն ու ընդունեն:Հայ տղամարդը պետք է օրինակելի լինի: Իտալացիք իրենցը հարգանքը պահել գիտեն. հարգում են ծնողին, մեծին, իրենց ընտանիքը:

-Ո ՞ւմ եք ապավինում ամենադժվարին պահերին:

-Իհարկե առաջինը Աստծուն: Բայց եւ չեմ մառանում, որ Աստված ասել է. հույսդ ինձ վրա դի'ր, բայց դու էլ պարապ մի նստի՛ր. քայլ արա, գործիր: Ես այդ կարգախոսով եմ ապրում ու առաջ շարժվում:

 

Չարիք է, երբ բիզնեսմնեը խառնվում է քաղաքականությանը

-Երբեւէ խառնվել ե ՞ք քաղաքական գործընթացներին, կամ հնարավո՞ր է արդյոք մի օր էլ Ձեզ տեսնենք ակտիվ քաղաքականության մեջ: Ի դեպ, օրերս մամուլում տեղեկատվություն կար նաեւ այն մասին, որ իրավապահները կասկածներ են ունեցել, որ դուք Էջմիածնի թեկնածուների կոնֆլիկտի՝ ծեծ, կրակոցների հետ կապված հնարավոր է որոշակի առնչություններ ունենայիք: Ի՞նչ կասեք դրա վերաբերյալ:

-Այդ ամենը բացարձակ սուտ է.որեւէ մեկը չի կարող որեւէ փաստարկ բերել այդ տեղեկատվության հետ կապված: Մարդիկ ինչ ցանկություն որ ունեն, փորձում են իրենց ուզած սուտը շրջանառության մեջ դնել: Ես որեւէ կապ չունեմ ընտրությունների, եւ քաղաքում ծավալված գործողությունների հետ:

Ես երբեք քաղաքականության մեջ չեմ խառնվել ու մտադրություններ էլ չունեմ երբեւէ խառնվելու: Ես կարող եմ իմ երկրին, իմ հարազատ Էջմիածնին օգնել՝ ինչով կարող եմ: Կարող եմ լավ բան անել սպորտի,արվեստի մշակույթի, մեր երկրի սահմանների պաշտպանության համար, բայց ինչ վերաբերում է քաղաքականությանը, ապա դա իմը չէ: Ես զբաղվում եմ իմ գործերով, եւ աշխատում եմ այնպես ապրել, որ որեւէ մեկը չամաչի իմ քայլերի համար: 

 Բիզնեսմենը՝ պետք է զբաղվի իր բիզնեսով, բժիշկը՝ իր գործով, մանկավարժը՝սերունդ կրթելով, շինարարն էլ ՝կառուցելով: Ես կարծում եմ, որ բիզնեսով զբաղվողները չպետք է պատգամավոր դառնան. խորհրդարանում պետք է աշխատեն քաղաքագետներն ու իսկական քաղաքական գործիչները: Չարիք է՝ երբ բիզնեսմենը սկսում է խառնվել քաղաքականությանը:

-Այդուհանդերձ, եթե դեմ չեք, խոսենք նաեւ ներկա քաղաքական իրողությունների շուրջ: Հայաստանում լուրջ կադրային տեղաշարժեր արձանագրվեցին, որի արդյունքում ՀՀ վարչապետ նշանակվեց Կարեն Կարապետյանը, փոխոխվեց նաեւ կառավարության կազմը: Որպես հայ մարդ, ի՞նչ սպասելիքներ ունեք նորանշանակ վարչապետից, եւ արդյո՞ք ակնկալում եք, որ այս փոփոխությունները կարող են արմատական բարեփոխումների սկիզբ հանդիսանալ:

 

Կարեն Կարապետյանը 10 քայլ առաջ է մատծում ու տեսնում


-Նախ ասեմ, որ ՀՀ վարչապետ Կարեն Կարապետյանը շատ բանիմաց, գրագետ, հավասարակշռված, զուսպ ու բանիմաց գործիչ է: Նա 10 քայլ առաջ է մտածում ու տեսնում: Ես վստահ եմ, եւ մեծ հույսեր ունեմ, որ մեր երկրում այդուահանդերձ կլինեն փոփոխություններ ու տեղաշարժեր: Ասեմ ավելին. իմ ընկերական շրջապատից շատ-շատերը, այդ թվում նաեւ ես, մտադրություններ ունենք լուրջ ներդրումային ծրագրեր իրականացնել մեր հայրենիքում, որպեսզի կարողանանք մենք էլ մեր հերթին, մեր լուման ունենալ մեր երկրի առաջխաղացման ու զարգացման համար: Ամեն գործի՝պետք է սիրով մոտենալ:
Աստված սեր է. պետք է հավատանք Աստծուն, սիրենք ու հարգենք իրար: Մենակ վատ բաներ մի գրեք.մեկ-մեկ էլ դրական բաների մասին խոսեք, որ մարդկանց մեջ հավատը վերականգնի:

 

Զրուցեց՝ Գայանե Զարգարյանը

 

Դիտվել է 66808 անգամ
ՔԿ-ն արագորեն կարձագանքի ընտրական իրավունքի խ... Արտակարգ դեպք Արցախի Հանրապետությունում. Մատա... ԲՀԿ շտաբից 3 քաղաքացի հրավիրվել է ոստիկանությ... Արցախում հակառակորդի կրակոցից ՊԲ զինծառայող է... Հրազենի գործադրմամբ սպանության փորձ է տեղի ու... Դոնալդ Թրամփը ներկայացրել է Հայաստանում ԱՄՆ ն... Մեդվեդևը՝ քաղաքականության մեջ կնոջ դերի մասին Ընտրություններով պայմանավորված՝ դատարաններում... ՀԱՊԿ գլխավոր քարտուղար Յուրի Խաչատուրովը կոչ ... Ընտրակաշառք խոստանալու դեպքի առթիվ երրորդ քրե... Նիկոլ Փաշինյանը կարևորեց ժամանակակից տեխնոլոգ... Ես ինձ տեսնում եմ այդ պաշտոնում. Վանեցյանը՝ Հ... Վրաստանի կառավարությունը զիջել է. հացահատկի փ... «Իմ քայլը» դաշինքի քարոզարշավը՝ Կարապի լճի մո... Վարչապետի առաջարկով ԱԱԾ սահմանապահ զորքերի հր... Թրամփի շնորհավորանքը ՀՀ անկախության օրվա կապա... ՀՀ ԶՈՒ ՀՕՊ զորքերի պետ Արմեն Վարդանյանին շնոր... Անկախ Հայաստանը 27 տարեկան է Արդեն մոտավորապես պարզ է ԱԱԾ եւ ՀՔԾ պետերի գա... Խոսե'ք, բյուջեն «քոռ դանակով մորթածների» մասի... ՄԻԵԴ-ը պարտավորեցրել է Հայաստանին 52.000 եվրո... Զորավարժություն 5-րդ զորամիավորումում Մարտի 1-ին տուժած Մուշեղ Սաղաթելյանի գործով Մ... Եթե այսպես շարունակվի, կհանեմ տեխզննման կտրոն... Կառավարությունն ԱԳՆ-ին հատկացրեց 109 մլն 296 ...
Այսօր
Շաբաթ
1 Ամիս
Հայտնի հեղինակություն՝ քանաքեռցի Տույից ստացա... Արթուր Ասատրյանը՝ Դոն Պիպոն, իր անձի շուրջ պտ... Հայտնի քրեական հեղինակություն Արթուր Ղազարյան... «Բանանի արքա»-ն պոռթկաց. գործին խառնվեցին Գագ... 5 տարուց ավելի է՝ Ար­մավիրի ուսուցիչներն աշխա... FBI-ի քննիչները Հայաստանում են. պահանջել են Ս... «Առյուծ ձյա~, չես հավատա, եկել եմ մոտդ՝ ներող... Արտակարգ ու ողբերգական դեպք Թալիշ գյուղի տարա... Հայտնի հեղինակություններ՝ Արթուր Ղազարյանն ու... «Ստրկամիտնե՛ր». արցախցիները բաց նամակով դիմել... Նախկին պատգամավոր Արսեն Ավագյանի՝ Տուգոյի անվ... «Զոն նայող» Կարիճ Լիլոն՝ իր ամուսնության, եւ ... Ֆիլմ՝ նվիրված Արթուր Ասատրյանին՝ Դոն Պիպոյին.... Հերոսական քայլի դիմած Արթուր Միքայելյանը, հա... VIDEO.Սաշիկ Սարգսյանը, Ռուբեն Հայրապետյանն ու... Հայտնի հեղինակություն Արմեն Իսրայելյանը` Էրեբ... Մեծ խնջույք Փարավոնում. Հայտնի հեղինակությու... Դոլինան մեջքից հարված է հասցրել ադրբեջանցիներ... Շատ շուտով մեր հազարավոր համաքաղաքացիների հետ... Արարատի մարզ վարկանշային թեկնածուներից ակնհայ... Սոնա Շահգելդյանն առաջին անգամ խոսում է ամուսն... «Մհեր Սեդրակյանը էս երկիրը սիրող մարդ ա»... Հայտնի հեղինակություն Արթուր Ասատրյանը՝ Դոն Պ... Այս գիշեր գնդակոծվել է Մարտունին. կա զոհ Հայտնի հեղինակություն Արթուր Ասատրյանի՝ Դոն Պ...
Արդեն մոտավորապես պարզ է ԱԱԾ եւ ՀՔԾ պետերի գաղտնալսումն իրականացրած անձանց շրջանակը «Ժողովուրդ» թերթը գրում է. «Ժողովուրդ» օրաթերթի տեղեկություններով՝ ԱԱԾ եւ ՀՔԾ պետերի հեռախոսազրույցի գաղտնալսման ու հրապարակման վերաբերյալ հարուցված քրեական գործով առաջիկայում լուրջ բացահայտումներ են սպասվում:  Մասնավորապես՝ չի բացառվում, որ պարզվի՝ գաղտնալսումն իրականացվել է ոչ թե մեկ, այլ մի քանի հոգանոց խմբի կողմից: Ասել է, թե իրավապահ համակարգի առանցքային ներկայացուցիչների (ու միգուցե ոչ Հերմինե Նաղդալյանի ընկերության կատարած աշխատանքներում մի շարք թերություններ են արձանագրվել «Ժողովուրդ» օրաթերթը գրում է. Գյումրիում Վերակառուցման ու զարգացման եվրոպական բանկի ֆինանսավորմամբ մեկնարկած փողոցների շինարարական աշխատանքներում մի շարք թերություններ են արձանագրվել: Ու հատկանշական է փաստը, որ Գյումրիում փողոցաշինությամբ զբաղվելու մրցույթը դեռ Սերժ Սարգսյանի իշխանավարման տարիներին շահել է ԱԺ նախկին փոխնախագահ ՀՀԿ-ական Հերմինե Նաղդալյանի ընտանիքին պատկանող «Սիսիանի ԲՈՒԱՏ» ընկերութ ԱԱԾ-ն պարզում է՝ որտեղից են գոյացել Ալեքսանդր Սարգսյանի միլիոնները «Ժողովուրդ» թերթը գրում է. «ՀՀ վարչապետ Նիկոլ Փաշինյանն օրեր առաջ հայտարարել էր, թե Սերժ Սարգսյանի եղբայրը՝ Ալեքսանդր Սարգսյանը, միայն մեկ բանկում ունի 30 մլն դոլար գրավադրված: Իսկ ահա Ալեքսանդր Սարգսյանը վերջերս իր հայտարարության մեջ նշել էր, թե այդ գումարները նա իր հետ Ռուսաստանի Դաշնությունից է Հայաստան բերել այնտեղ աշխատելու տարիներին: «Ժողովուրդ» թերթը երեկ դիմեց ՀՀ վարչապետ Նիկոլ Փաշին ՀՀ-ում ԱՄՆ դեսպանատունը չեղարկել է ՀՀ իրավապահների ուշադրության կենտրոնում հայտնված անձանց ԱՄՆ մուտք... «Թավշյա հեղափոխությունից հետո մի շարք նախկին պաշտոնատար անձիք, քրեական տարրեր հայտնվել են լուրջ խնդրի առաջ ոչ միայն ՀՀ-ում, այլև՝ արտերկրում: Մինչ իրավապահները հեղափոխությունից հետո կսկսեին զբաղվել նրանցով, շատերը փորձեցին լքել Հայաստանը: Ավելին, նրանց մեծ մասը ապահով հանգրվանել է Ամերիկայի Միացյալ Նահանգներում: Սակայն «Ժողովուրդ» օրաթերթի տեղեկություններով, ՀՀ-ում ԱՄՆ դեսպանատունը չեղարկել է ՀՀ իրավապա Գագիկ Ծառուկյանն ու Սերժ Սարգսյանը «աչքից հեռու» վայրում հանդիպել են «Հրապարակ» թերթը գրում է. «Տեղեկություններ կան, որ վերջերս Գագիկ Ծառուկյանն ու Սերժ Սարգսյանը հանդիպել, զրուցել են։ Հանդիպումը կայացել է «աչքից հեռու»՝ Ծաղկաձորում։ Մեզ չհաջողվեց պարզել զրույցի բովանդակությունը, բայց տեղեկացանք, որ ՀՀ 2 նախկին նախագահներն առիթը բաց չեն թողում Ծառուկյանից դժգոհելու, որ անկախ իշխանությունների քայլերից՝ շարունակում է սատարել Նիկոլ Փաշինյանին։ ԲՀԿ-ական պատգամավոր
website by Sargssyan