1$ = 0 AMD 1€ = 0 AMD 1Р̵ = 0 AMD

Մինչեւ ե՞րբ ենք հանդուրժելու Գազի Կոլյայի անպատժելի Ռեմբոներին

Հայտնի իրողություն է, որ անպատժելիությունը ծնում է նորանոր հանցանքներ: Որպես թարմ փաստ՝ կարող ենք բերել հունվարի 8-ին տեղի ունեցած ողբերգական վթարը, որին զոհ դարձան ՃՈ 2 ավտոտեսուչներ:

Հիշեցնենք, որ հունվարի 8-ին, Երեւանի Աբովյան փողոցի և Սայաթ-Նովա պողոտայի խաչմերուկում խոշոր ու ողբերգական ավտովթարի պատճառ հանդիսացած «BMW X6»-ի վարորդը, ով եղել է Երևանի քաղաքի ավագանու նախկին անդամ, Ճվճվ Արոյի (Արա Վարդանյան) որդի Սարգիս Վարդանյանը, ինքնակամ ներկայացել էր ոստիկանություն: 
Ավտովթարի հետևանքով ՝ ՃՈ ոստիկանության տեսուչ Արեգ Դավթյանը հիվանդանոցի ճանապարհին մաhացել էր, ՃՈ մեկ այլ ծառայողի՝ Խաչիկ Գասպարյանի վիճակը ծայրահեղ ծանր էր գնահատվում. նա գտնվում էր թիվ 1 համալսարանական հիվանդանոցում, որտեղ էլ մահացավ:

«Քրեական հեղինակության համբավ ձեռք բերած Ճվճվ Արո մականունով հայտնի Արա Վարդանյանի որդիների՝ Սարգիս և Սերժ Վարդանյանների «քաջագործությունները» , հայտնի է, որ տարիներ շարունակ մամուլի, և ամենակարեւորը՝ իրավապահ մարմիների կիզակետում են եղել: Բայց ցավ է ու պատիժ, որ այդտեսակ գլխակերների համար, անժամկետ «կանաչ լույս է վառվել»՝ շարունակելու այդ հաղթարշավը, ընդհուպ՝ մարդկային կյանքեր խլելու հաշվին:

Ժամանակի «հրոսակակիրներ»` Սերժուլիկ ու Սարգիս Վարդանյանների անունները, անցնող տարիների ընթացքում կապվեցին է՛լ խուլիգանության, է՛լ կողոպուտ կատարելու, է՛լ կրակոցների , թմրանյութերի ու բազմաթիվ այլ վթարների հետ, բայց ինչպես միշտ, հավանաբար Կոլյա պապիկի շնորհիվ (Վարդանյանների մորական պապը հայտնի Գազի Կոլյան է, Տրանսգազ ՍՊԸ տնօրեն Նիկոլայ Գաբրիելյանը), նրանք 
կարողացան «ջրից չոր դուրս գալ»,քանի որ Սերժուլիկի ու Սաքուլիկի անվան հետ կապվող «հերոսությունները», չգիտես ինչու եւ ինչպես հալվեցին, ու գրողի ծոցն անցան…

Հերթական կրիմինալ պատմության մեջ հայտնվելուց հետո, Սերժուլիկն ու Սաքուլիկը սրբե լուսապսակով նետվեցին հասարակության շարքերը՝ ձեւ բռնելով , թե իրենց անվան հետ կապվող «զանցանքներն ու հանցանքները» հասցեագրված են իրենց «զոհերին», բայց ոչ երբեք պապու թոռներին:

Եւ հիմա հետեւելով որոշ աղեկտուր ու սրտաճմլիկ «ջղաձգումների» ՝ կոնկրետ հունվարի 8-ին տեղի ունեցած ողբերգական միջադեպի հետ կապված, կարծես թե տպավորություն է ստեղծվում, որ մոտ ապագայում գործ ենք ունենալու հերթական ծածկադմփոցի հետ , որին ո՞վ իմանա, քրեաօլիգարխիկ կլանի քանի կարկառուն «ԲՈՍ»-ի մատ կարող է դիպչել…
Կոլյա պապիկը՝ իր «թանկարժեք ասեղը» թելողների պակաս դժվար թե ունենա…


Սարգիս Վարդանյանը, պետք է որ արդարադատության առաջ պատասխան տա ՝ երկու ՃՈ տեսուչների կյանք խլած ողբերգական ավտովթարի համար: Բայց արդյ՞ոք մազաչափ անգամ կարող ենք հույս ունենալ, որ հերթական անգամ Վարդանյանների գործը «սառույցին չի գրվի» կամ այլ կերպ ասած` Կոլյա պապիկի հերոս թոռը, չի խուսափի քրեական պատասխանատվությունից:


Եւ արդյո՞ք չեն գտնվի հզոր ձեռքեր ու «պատ ծակող հովանավորներ», ովքեր իրենց նեղ կրուգում չեն պնդի, որ ճՈ տեսուչների համար բա արժե՞ Ռեմբո հիշեցնող Սարգիս Վարդանյանի նման «բոյեվիկին» փակի տակ պահել: 
Տղեն նոր-նոր կյանք ա մտնում, ու դեռ քանի-քանիսի գլուխը նա կարող է «ուտել»…

Իսկ ավելի լուրջ, պարոնյաք իրավապահներ, եւ ՀՀ Արդարադատության համակարգի ջատագովներ, ի վերջո ո՞վ, եթե ոչ դուք, չպետք է մտածեք շարքային քաղաքացու անվտանգության եւ ապահովության մասին: 
Ի՞նչ է, այդքան անճար եք, որ չեք կարողանում կարճ ժամանակում մեղավորին ու անմեղին զանազանել ու նրանց ճիշտ տեղերում դասավորել:

Ո՞վ է ի վերջո պատասխան տալու մեր երկրում  մոլեգնող անպատժելության մթնոլորտի, լկտիության կրիմինալին խրախուսելու, նրանց հղփացնելու, ու այդ ամենի արդյունքում ծնվող բազմաթիվ հանացագործությունների համար:

Վերջապես, մենք պետություն ե՞նք, ծուռ հայելիներ թագավորությու՞ն, թե դուքյա՞ն, ուր աջ ու ձախ շարունակում է կտրել մաֆիոզ խավի ու բանդիտների թուրը: Ուր մոլագարի նման՝ շարքային քաղաքացու, սեփական քրտինքով ապրող մարդու վզին են փաթաթվում, կամ «վիզներն են պոկում», Սաքուլիկներն ու Սերժուլիկները….
Վերջապես, ո՞վ է մտածելու մարդկային լեզու չունեցող ու չհասկացող գազաններին հասարակությունից մեկուսացնելու, ու դրանց «դեբոշների» վերջը տալու համար 
Ե՞րբ է վերջ տրվելու այն արատավոր բարքերին ու սովորությանը, համաձայն որի շատ հաճախ անմեղը մարդասպան է դառնում, իսկ մարդասպանն էլ հերոս...

Ուզենք, թե չուզենք, մեկ բան ակնհայտ է.

Իրապես կրիմինալ վիճակը վերահսկողությունից դուրս է գալիս, ու դա ինչ խոսք, ունի իր հիմնավոր պատճառները: 
Շարունակական ու համակարգային անպատժելիությունը, բնական է, որ հանգեցնելու է նման երևույթների: 
Այսինքն՝ երբ որ մարդիկ իրենց արած գործողությունների համար ժամանակին չեն պատժվում՝ պայմանավորված այս կամ այն գործոնով, երբ որ արդարադատությունը գործում է ընտրովի , երբ որ իրական հանցագործներին «սղղացնելը» դառնում է գործելակերպ, բնական է, որ նման մթնոլորտում միշտ էլ «շունը տիրոջը չի ճանաչելու»:


Իսկ անընդհատ հասարակական կարգը եւ երթեւեկությունը խախտող Սաքուլիկը, քանի դեռ «հովանավորվում» է իր միլիոնատեր պապի՝ «Տրանսգազի» տնօրեն Նիկոլայ Վազգենի Գաբրիելյանի կողմից, եւ քանի դեռ օդում կախված լուրերի համաձայն, ամեն ավտովթարից հետո, գաղտնի միլիարդատեր Կոլյա պապիկը նոր ջիփեր է դնում թոռների տակը, ու նրանց կարգի չի հրավիրում, կասկածից վեր է, որ բոլոր ժամանակներում Սաքուլիկի ու Սերժուլիկի վարքաբանությունն ու ձեռագիրը 
նույնն է մնալու:

Եւ չի բացառվում, որ հետո շատերը քարկոծեն իրենց՝ կրավորական կեցվածքի համար, քանի որ չգիտեն, թե սուր զգացողությունների սիրահար Սաքուլիկն ու Սերժուլիկը քանի-քանիսին կարող են թողնել իրենց անիվների տակ : Ու վերջապես քանի՞ մարդկային կյանք «կխժռվի» Սերժուլիկի ու Սաքուլիկի կայֆը՝ տեղը պահելու դեպքում…

Հիշեցնենք , որ Սաքուլիկ մականունով, Սարգիս Վարդանյանի մասին, նախորդ տարի մարտի 3-ին մամուլում տեղեկություններ էին հրապարակվել այն մասին, որ Ծաղկաձորում գործող «Կոսմոս» խաղատանը հնչել են կրակոցներ: Սարգիս Վարդանյանը ձախ ոտքի շրջանում ստացել էր վիրավորում, սակայն իրավապահներին նա պատմել էր , թե շունն է իրեն կծել: 
Իսկ ահա, 2017-ի հոկտեմբերի 7-ին էլ, ոստիկանության Արաբկիրի բաժին բերման էր ենթարկվել Երևան քաղաքի Սայաթ-Նովայի պողոտայի 12 շենքի բնակիչ, նախկինում դատապարտված 24-ամյա Սերժ Արայի Վարդանյանին։ Վերջինս կասկածվում էր սեպտեմբերի 12-ին` գիշերը ժամը 03։00-ի սահմաններում, Հրաչյա Քոչարի փողոցի 44/2 շենքի դիմաց Երևանի բնակիչ 38-ամյա Կ. Գ.-ի պարանոցից ոսկյա շղթան պոկելու եղանակով բացահայտ հափշտակելու մեջ։ Ս. Վարդանյանը ոսկյա շղթան հափշտակելուց հետո դիմել էր փախուստի՝ տուժածին պատճառելով 200 հազար դրամի վնաս, իսկ տուժած Կ. Գ.-ն եղել էր իր Opel Astra մակնիշի կայանված վիճակում գտնվող ավտոմեքենայում։

Ու փաստն այնն էր, որ մինչ հունվարի 8-ը,(ողբերգական այդ միջադեպի օրը) երկու հերոսներն էլ չաղ ու բախտավոր կյանքով էին ապրում, թքած՝ թե Սերժուլիկի ու Սաքուլիկի անունները տարբեր քրեական պատմությունների հետ էին կապվում…

Հ. Գ 
Հայաստանի Հանրապետության հռչակմամբ ստեղծված պետությունն առաջին հերթին կոչված է մարդու իրավունքների և հիմնարար ազատությունների համընդհանուր հռչակագրի ոգուն և տառին համապատասխան ապահովելու յուրաքանչյուրիս կյանքի իրավունքի անձեռնմխելիությունը:
Սակայն, ի հեճուկս սահմանադրորեն ամրագրված երաշխիքների, իրական կյանքում իրար հաջորդող շարունակական օրինազանցության արդյունքում,Հայաստանում ձևավորվել է կլանային-ազգակցական խմբերի վրա հիմնված մի այնպիսի համակարգ, ուր խաղի կանոնները բոլորովին այլ սկզբունքով են սահմանվում…

Այնպես, որ չպետք է հանդուրժենք , որ օրինազանց ու տարիներ շարունակ անպատիժ մնացած, հանրությանը տարբեր առիթներով ահաբեկած] հանցագործ անհատներիը շարունակեն իրենց խրախճանքը: 
Բոլորին հասկանալի է, որ անպատժելիության և ամենաթողության պայմաններում մենք չենք կարող պատրանքներ ունենալ Հայաստանի հանրապետության արդարադատության համակարգի վերաբերյալ:

Հ Գ1 Իսկ որեւէ մեկը, երբեւէ հետաքրրքվե՞լ է, թե այս ծանր օրերում, երբ մարդիկ «հացին կակա են ասում», որտեղի՞ց եւ ի՞նչ միջոցներով է կարողանում Սերժուլիկի ու Սաքուլիկի Կոլյա պապիկը թանկարժեք ջիփեր առնել իր «կապը կտրած» թոռների համար:
Որևւէ մեկը հետաքրքրվե՞լ է, թե ինչ ծագումնաբանություն ունի Տրանսգազ ՍՊԸ տնօրեն Նիկոլայ Գաբրիելյանի անվանը վերագրվող հարստությունը…

Եւ երկրորդ. փորձեք Սաքուլիկին ու Սերժուլիկին «պոլնի բակ» վառելիքով բաց թողնել առաջնագծում:
Նրանք ոչ թե հազար արագություն կբացեն, այլ 0-ի վրա տեղ ման կգան  «պախկվելու»՝  մինչեւ պապին օգնության կգա …. 

Բա հիմա չասես. Տո ա'յ հարուստ պապիկի թոռնոներ, կարող ա՞ գիտեք, էս երկիրը Ձեր սեփական դուքյանն ա...

 

Գայանե  Զարգարյան 

 

Արման Օսիկյանը նշանակվել է Կադաստրի «գրասենյա... Դիմակավորված անձը մտել է բնակարան, կպչուն ժապ... Գլխատեք, մորթեք, սպանեք, կալանավորեք, 35 ուսո... Մարմաշեն համայնքի ղեկավարը յուրացրել է ազատամ... Եթե այդ սրճարաններից որևէ մեկն իմ հարազատ եղբ... Վարչապետ Նիկոլ Փաշինյանի մամուլի ասուլիսը՝ Մա... ԱԱԾ-ի տրամադրած տեղեկություններով բացահայտվել... Հիմի ոստիկանը մերն ա՞, թե՞ այնուամենայնիվ հա... Դավիթ Տոնոյանը Կարմիր խաչի պատվիրակության ղեկ... Լարված իրավիճակ Արաբկիր բժշկական կենտրոնում. ... Սպառնացել էր տարածել լուսանկարները, եթե իր հե... Ոստիկանության զորքերի ծառայողը սահմանին զիծառ... Թրամփը քննադատել է Fox News-ին՝ իր սիրելի աշխ... Նոր Զելանդիայից Անկարային ուղղված և ընկալված ... Ապարան-Քուչակ ավտոճանապարհին մեքենան դուրս է ... Աննա Հակոբյանը Սորոսի հիմնադրամից դրամաշնորհ ... ԱԱԾ-ն՝ «Յունիսերվ»-ի վերաբերյալ ենթադրյալ քրգ... «Պանտերա» գիշերային ակումբում 26-ամյա երիտասա... Արարատ Միրզոյանի գլխավորած պատվիրակությունը Բ... «Ռոսգոսստրախի» նախկին համասեփականատեր Խաչատու... Քրքում. համեմունք, որի տեղն ավելի շուտ դեղատո... Սա է գործող կառավարության իրավաչափ վերաբերմու... «Ձեր այս մոտեցումները փոխեք. լավ տեղ չեք սլ... «Պետք է ստեղծել այնպիսի համակարգ, որ նպաստ ստ... Սամվել Բաբայանի գրասենյակը հայտարարություն է ...
Այսօր
Շաբաթ
1 Ամիս
Հայտնի հեղինակություն՝ քանաքեռցի Տույից ստացա... Արթուր Ասատրյանը՝ Դոն Պիպոն, իր անձի շուրջ պտ... Հայտնի քրեական հեղինակություն Արթուր Ղազարյան... «Բանանի արքա»-ն պոռթկաց. գործին խառնվեցին Գագ... 5 տարուց ավելի է՝ Ար­մավիրի ուսուցիչներն աշխա... FBI-ի քննիչները Հայաստանում են. պահանջել են Ս... «Առյուծ ձյա~, չես հավատա, եկել եմ մոտդ՝ ներող... Հայտնի հեղինակություններ՝ Արթուր Ղազարյանն ու... Նախկին պատգամավոր Արսեն Ավագյանի՝ Տուգոյի անվ... Ֆիլմ՝ նվիրված Արթուր Ասատրյանին՝ Դոն Պիպոյին.... Հերոսական քայլի դիմած Արթուր Միքայելյանը, հա... VIDEO.Սաշիկ Սարգսյանը, Ռուբեն Հայրապետյանն ու... Մեծ խնջույք Փարավոնում. Հայտնի հեղինակությու... Հայտնի հեղինակություն Արմեն Իսրայելյանը` Էրեբ... Շատ շուտով մեր հազարավոր համաքաղաքացիների հետ... Արարատի մարզ վարկանշային թեկնածուներից ակնհայ... Հայտնի հեղինակություն Արթուր Ասատրյանը՝ Դոն Պ... Հայտնի հեղինակություն Արթուր Ասատրյանի՝ Դոն Պ... Օրենքով գողեր՝ Սուրոն, Օշականցի Գևորիկը, եւ Զ... Հայտնի քրեական հեղինակություն Արթուր Ղազարյան... Գրիշա Սարգսյանը ` ՀՀ փոխոստիկանապետ ՇԱՐՄԱԶԱՆՈՎԻ ԴՍՏԵՐ ՆԱՄԱԿԸ. Հորս ընկերներից մե... Շուրջ 150 աշխատակից, այսօր 50 հազար ավել են ս... Հանցաշխարհի հայեր. «օրենքով գող» արմեն մանուկ... Հանցաշխարհի կարկառուն ներկայացուցիչներ Արա եւ...
ՍԴ-ն մերժել է դատավորներին. Համաներումն օրինական է «Ժողովուրդ» թերթը գրում է. ««Ժողովուրդ» օրաթերթն առիթ ունեցել է տեղեկացնելու, որ ՀՀ վերաքննիչ դատարանի դատավորները ՍԴ-ում վիճարկել են «Էրեբունի-Երեւանի հիմնադրման 2800-ամյակի եւ Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի 4-րդ հոդվածի 2-րդ մասի սահմանադրականությունը: Այդ դրույթը վերաբերում ՀՀԿ-ն հետ է վերցրել երիտասարդական հիմնադրամին անվարձահատույց տված տարածքը   «Ժողովուրդ» օրաթերթը գրում է. ««Հայաստանի երիտասարդական հիմնադրամի» հետագա գործունեության ճակատագիրը դեռեւս անորոշ է. հոգաբարձուների խորհրդի նիստը տեւական ժամանակ է` չի կայանում: Ու հիմա մարզային գրասենյակները սպասողական վիճակում են: Ավելին, պարզվում է՝ այս հիմնադրամի` Շիրակի մարզային կենտրոնը, որ նախկինում տեղակայված էր ՀՀԿ մարզային գրասենյակում, հայտնվել է դրսում: ՀՀԿ-ն հետ է վերցր Սերժ Սարգսյանը դեռ Արցախում է. Սպասում էր ԱԽ արտագնա նիստին՝ իր անելիքները որոշելու համար. «Ժամանակ» «Ժամանակ» թերթը գրում է. «ՀՀ նախկին նախագահ Սերժ Սարգսյանը, ով Արցախ էր մեկնել դեռևս մարտի առաջին օրերին, շարունակում է մնալ Արցախում: Սարգսյանը սպասում էր երեկ կայացած ԱԽ արտագնա նիստին, որ ըստ դրա որոշի իր հետագա անելիքները: Սարգսյանը այս ընթացքում շարունակել է ակտիվ շփումները ԱՀ վերնախավի ներկայացուցիչների հետ»:   Առավել մանրամասն՝ թերթի այսօրվա համարում: Հերթական էքշընը ԱԺ-ում գլխավոր դատախազի մասնակցությամբ «Հրապարակ» թերթը գրում է Առաջիկայում ԱԺ-ում սպասվում է հերթական «էքշընը». օրենքով սահմանված կարգով` ՀՀ դատախազը պետք է իր տարեկան հաշվետվությունը ներկայացնի պառլամենտին։ Ե՞րբ կլինի դատախազի հաշվետվությունը՝ հարցրինք` պետաիրավական հարցերի հանձնաժողովի փոխնախագահ Աննա Կարապետյանին։ «Տարեկան հաշվետվությունը դատախազը պարտավոր է ներկայացնել մինչեւ ապրիլի 1-ը. դեռ բավականին ժամանակ կա։ Այս պահին կ Կարեն Կարապետյանի ծրագիրը կիսատ է մնացել «Հրապարակ» թերթը գրում է. «Նախկին վարչապետ Կարեն Կարապետյանն իր պաշտոնավարման ժամանակ նախաձեռնել էր «Կումայրի» արգելոց-թանգարանի տարածքը զբոսաշրջային գոտու վերածելու ծրագիրը: Ստեղծվել էր «Կումայրի վերածնունդ» ներդրումային հիմնադրամը, առաջին ներդրողն էլ ինքը՝ վարչապետն էր՝ կես միլիոն դոլար։ Մեծ շուքով բացվեց վերանորոգված Ռուսթավելի փողոցը: Սակայն այդքանով ամեն ինչ ավարտվել է, հեղա
website by Sargssyan