1$ = 0 AMD 1€ = 0 AMD 1Р̵ = 0 AMD

Փակ Դռներ՝ԶԼՄ-ների համար.Տեղեկատվության ազատության երաշխիքները պետք է ապահովվեն օրենքով.Video

Տեղեկատվության ազատության երաշխիքները պետք է ապահովվեն օրենքով

Նախկին կառավարությունը Սերժ Սարգսյանի վարչապետությանը պատրաստվելիս փետրվարի 1-ին հավանություն տվեց «Կառավարության կառուցվածքի և գործունեության մասին» ՀՀ օրենքի նախագծին։ Լրատվամիջոցներին օրենսդրական փոփոխությունների միջոցով կաշկանդելու, նրանց ազատությունն անհիմն սահմանափակելու նախաձեռնությունը հաջողեց, և ԱԺ-ում մարտի 23-ին ընդունվեց։ Այսպիսով՝ ըստ օրենքի, կառավարության նիստերը պետք է լինեն դռնփակ, նախարարներին արգելվում է առանց վարչապետի թույլտվության տեղեկատվություն հրապարակել նիստերում ընդգրկված որեւէ հարցի մասին։
Մինչ օրենքի ընդունումը, կառավարությունում հավատարմագրված լրագրողները նիստերին հետևում էին շենքում հատկացված հատուկ սենյակից՝ ուղիղ հեռարձակմամբ, իսկ նիստից հետո հնարավորություն էին ունենում հարցեր ուղղել նախարարներին։ Օրենքի ընդունումով ԶԼՄ-ների ներկայացուցիչները զրկվեցին այդ հնարավորությունից։
Այն ժամանակվա Արդարադատության նախարար Դավիթ Հարությունյանը, որն օրենքի ջատագովներից էր, իր հիմնավորումներն ուներ. «Կառավարությունն իր նիստերն անցկացնում է դռնփակ, ինչը հնարավորություն է տալիս ավելի անկեղծ, ավելի քննադատական հայացք ուղղել կառավարության մյուս անդամների առաջարկություններին»: Եվ այս հիմնավորմամբ նա պնդում էր, որ տվյալ մոտեցումը կապահովի ժողովրդավարություն գործադիր իշխանության ներսում։
«Հրապարակ» օրաթերթի լրագրող Վահե Մակարյանը նշում է. «Ակնհայտ էր, որ սա արվում էր անձամբ Սերժ Սարգսյանի համար, անկախ Դավիթ Հարությունյանի հիմնավորումներից»:
Օրենքը, սակայն, գրեթե չծառայեց դրա հեղինակներին։ Փաստացի այն գործեց ընդամենը մեկ ամիս: Ապրիլի 23-ին Սերժ Սարգսյանը հրաժարական տվեց ժողովրդական ալիքի ճնշման ներքո, իսկ նոր կառավարության ղեկավար Նիկոլ Փաշինյանն անմիջապես հայտարարեց նիստերը դռնբաց անցկացնելու մասին՝ օգտվելով նույն օրենքի այն դրույթից, որը վարչապետին նիստերը բաց անցկացնելու հնարավորություն է տալիս: Լրագրողներին սկզբում անգամ թույլատրվեց ներկա գտնվել նիստերի դահլիճում, ինչը, սակայն, երկար չտևեց: Օգոստոսի 9-ին լրագրողները կրկին փակ դռների հանդիպեցին։ Ըստ պաշտոնական մեկնաբանության՝ դա արվեց անվտանգության նկատառումներից ելնելով։
1in.am-ի լրագրող Սոնա Հարությունյանն անդրադառնում է լրագրողներին տրված կարճատև հնարավորությանը. «Օձն իր պորտով, հավքն իր թևով նախկինում չէր եղել նիստերի դահլիճում, այդ հնարավորությունը տրվեց։ Հետո խոստացան, որ կապահովեն պահանջված պաշտոնյային, բայց միայն մի օր դա կատարվեց»։
«Հրապարակ»-ի լրագրող Վահե Մակարյանն ընդունում է, որ լրագրողների մուտքը նիստերի դահլիճ հաճախ խոչընդոտում էր նիստի աշխատանքները. «Նիստի բնականոն ընթացքը խաթարվում էր իհարկե, նիստերի դահլիճ գրոհելը ճիշտ չէ, դրան այլընտանք՝ թող ապահովեն մաքսիմալ թափանցիկություն, հատկապես այն պաշտոնյաների, որոնք տվյալ պահին պահանջված են»։
«Հայկական ժամանակ»-ի թղթակից Նարեկ Կիրակոսյանը նկատում է. «Դրական առաջընթացն ակնհայտ է, բայց պաշտոնյաների հետ շփումը դարձյալ սահմանափակ է։ Նոր կառավարությունը նաև հարցումներին պատասխանելիս է թերանում»։
Իսկ ինչ երաշխիք, որ նույն կերպ էլ մի օր, օրենքի տառին համապատասխան, վարչապետը չի արգելի նիստերի լուսաբանումն ուղիղ հեռարձակմամբ։ Վարչապետի մամուլի խոսնակ Արման Եղոյանը մեզ հետ զրույցում շտապում է փարատել մտահոգությունները. «Որպես իրեն (վարչապետին- հեղ.) ճանաչող եւ իր քաղաքական հայացքները իմացող մարդ՝ դա բացառում եմ. որեւէ քաղաքական նպատակահարմարությունից ելնելով՝ կառավարության նիստերը չեն կարող դառնալ դռնփակ»:
Փորձագիտական հանրության գնահատմամբ, նման օրենքով, սակայն, հնարավոր չէ ապահովել կառավարության հաշվետվողականություն ու գործունեության թափանցիկություն։ Լրագրող Սոնա Հարությունյանը հիշեցնում է, որ Կառավարությունն այն վայրն է, որտեղ լրագրողներն ամենամեծ հնարավորությունն ունեն հանդիպելու բոլոր նախարարներին ու հղել հետաքրքրող հարցերը։ Tert.am-ի լրագրող Լիանա Առաքելյանը հավելում է. «Պետք է հստակ օրենքում ամրագրված լինի, որ բաց են նիստերը, որովհետև չես կարող խոսել բաց ու թափանցիկ աշխատանքի մասին ու փակել դրանք»։
Այնուամենայնիվ, նոր իշխանությունը կարծում է, որ օրենսդրական փոփոխությունը ժամանակի հարց է, իսկ օրենքն ընդունած նախկին խորհրդարանական մեծամասնությունը դա սկզբունքային չի համարում։
ՀՀԿ փոխնախագահ, ԱԺ պատգամավոր Արմեն Աշոտյանը խոստովանում է՝ չի մտածել օրենքի փոփոխության մասին. «Կարծում եմ՝ կառավարությունը ունի գերակայություն այս տեսակետից՝ հասկանալու, թե որն է իր համար նախընտրելի գործելաոճը: Եվ եթե մեր կառավարության օրոք որդեգրվել է մի ռազմավարություն, ապա նոր կառավարության օրոք կարող է որդեգրվել այլ ռազմավարություն: ... Այսինքն, նիստերի բաց կամ փակ լինելու հարցը, երբ բերում ես դետալների, այդքան ճակատագրական չի լինում։ Սա քաղաքական որոշման հարց է, նույն կերպ կան չքննարկվող հարցեր, որոնք ի վերջո չեն հրապարակայնացվում թե այս, թե այն կառավարության կողմից»:
ԱԺ «ԵԼՔ» խմբակցության ղեկավար Լենա Նազարյանի համոզմամբ՝ գործող կառավարությունը պատմության մեջ կմնա որպես ամենաթափանցիկն ու ամենահաշվետուն, բայց, այնուամենայնիվ, օրենքը փոփոխման կարիք ունի. «Միշտ պետք է հաշվի առնել, որ կառավարությունները կարող են փոխվել, և տեղեկատվության ազատության համար երաշխիքները պետք է ապահովված լինեն օրենքով՝ բոլոր ժամանակների համար։ Կարծում եմ՝ արդեն նոր խորհրդարանում այս հարցը կբարձրաձայնվի»։


ՀԱՍՄԻԿ ԲՈՒԴԱՂՅԱՆ
ԽԱՊԿ փորձագետ

 

Ոստիկանները հայտնաբերել են բռնաբարության մեղա... «Սիրտս՝ ձեռքերիս մեջ». Քրիստինե Պեպելյանը՝ որ... «Դեբեդի ջրով ինքնահոս ոռոգումը Հայաստանում 4 ... Արմավիրի մարզում վնասել ու կոտրել են գեներալ ... Հարուցվել է քրեական գործ՝ «Նուբարաշեն» ՔԿ հիմ... ԱԱԾ-ի նոր բացահայտումը «Տպավորություն է, որ ՀՀ հանքերի մեծ մասը կառա... Դատապարտյալին տեսակցության եկած կնոջ ներքնազգ... Իսրայելը նոր մահապարտ ԱԹՍ է ներկայացրել, որը ... «Մարտի 1-ին երթ ենք անում. ուղերձով կդիմեմ ժո... Արտաշատ-Երևան ավտոճանապարհին բախված ավտոմեքեն... Լարսի ճանապարհը բաց է բոլոր մեքենաների համար.... ՀՀ պետական վերահսկողական ծառայության հայտար... Վերականգնվել է պետությանը պատճառված 27,8 մլրդ... «Սա օրենքի պահանջ է». Արման Մելիքյան «Շարժման գործը կիսատ մնաց․ մենք ա՛յն չսարքեցի... Տավուշի, Լոռու և Գեղարքունիքի մարզպետերի տեղա... Սկանդալ վրացական գազի շուկայում.Սաակաշվիլին պ... Կեղծ լուրերի տարածումը սպառնում է ազգային անվ... Որպես անհետ կորած որոնվող 12-ամյա Հրաչյա Բադա... 22 տարի հետախուզվող տղամարդը հայտնաբերվեց Երև... 34-ամյա տղամարդուն դանակահարել է 21-ամյա ծանո... Թալանել են «Նաիրի» բժշկական կենտրոնի գլխավոր ... Մի օր էլ հանդիպենք ՝ ինձ մոտո քշել կսովորեցնե... «Հուսով եմ, որ նա 18,5 մլն դոլար նվիրելով չի ...
Այսօր
Շաբաթ
1 Ամիս
Հայտնի հեղինակություն՝ քանաքեռցի Տույից ստացա... Արթուր Ասատրյանը՝ Դոն Պիպոն, իր անձի շուրջ պտ... Հայտնի քրեական հեղինակություն Արթուր Ղազարյան... «Բանանի արքա»-ն պոռթկաց. գործին խառնվեցին Գագ... 5 տարուց ավելի է՝ Ար­մավիրի ուսուցիչներն աշխա... FBI-ի քննիչները Հայաստանում են. պահանջել են Ս... «Առյուծ ձյա~, չես հավատա, եկել եմ մոտդ՝ ներող... Հայտնի հեղինակություններ՝ Արթուր Ղազարյանն ու... Նախկին պատգամավոր Արսեն Ավագյանի՝ Տուգոյի անվ... Ֆիլմ՝ նվիրված Արթուր Ասատրյանին՝ Դոն Պիպոյին.... Հերոսական քայլի դիմած Արթուր Միքայելյանը, հա... VIDEO.Սաշիկ Սարգսյանը, Ռուբեն Հայրապետյանն ու... Մեծ խնջույք Փարավոնում. Հայտնի հեղինակությու... Հայտնի հեղինակություն Արմեն Իսրայելյանը` Էրեբ... Շատ շուտով մեր հազարավոր համաքաղաքացիների հետ... Արարատի մարզ վարկանշային թեկնածուներից ակնհայ... Հայտնի հեղինակություն Արթուր Ասատրյանը՝ Դոն Պ... Հայտնի հեղինակություն Արթուր Ասատրյանի՝ Դոն Պ... Օրենքով գողեր՝ Սուրոն, Օշականցի Գևորիկը, եւ Զ... Գրիշա Սարգսյանը ` ՀՀ փոխոստիկանապետ Հայտնի քրեական հեղինակություն Արթուր Ղազարյան... ՇԱՐՄԱԶԱՆՈՎԻ ԴՍՏԵՐ ՆԱՄԱԿԸ. Հորս ընկերներից մե... Շուրջ 150 աշխատակից, այսօր 50 հազար ավել են ս... Հանցաշխարհի հայեր. «օրենքով գող» արմեն մանուկ... Հանցաշխարհի կարկառուն ներկայացուցիչներ Արա եւ...
Թեժ պայքար. ո՞վ կդառնա Սփյուռքի գործերի գլխավոր հանձնակատար «Հրապարակ»-ը գրում է. «Մեր տեղեկություններով, թեժ պայքար է ընթանում ապագայում ստեղծվելիք սփյուռքի գործերի գլխավոր հանձնակատարի պաշտոնի համար։ Առաջամարտիկը սփյուռքի փոխնախարար Բաբկեն Տեր-Գրիգորյանն է։ «Կառավարության կառուցվածքի ու գործունեության մասին» նախագծով առաջիկայում սփյուռքի նախարարությունը կվերակազմակերպվի՝ միանալով վարչապետի աշխատակազմին և աշխատակազմում ստեղծելով Սփյուռքի գործերի գլխա Նախկինները ակտիվանում են. Կարեն Կարապետյանը Գագիկ Ծառուկյանի խնամու դաչայում հավաք է կազմակերպել. «Ժ... «Ժամանակ» թերթը գրում է. «Շաբաթ օրը նախկին վարչապետ Կարեն Կարապետյանը ԱԺ նախկին պատգամավոր և Գագիկ Ծառուկյանի խնամի Մուրադ Գուլոյանի դաչայում կազմակերպել է նախկին իշխանական վերնախավի ներկայացուցիչների հավաք, որին ներկա են եղել նաև նախկին նախարարներ և մարզպետներ: Հավաքի ընթացքում քննարկել են ստեղծված իրավիճակում գործելու հնարավորությունները, այդ թվում՝ միասնական թիմով հանդես գալու միջոցով»: & Կոստանյանը՝ ԱԱԾ տնօրենի տեղակալ «Ժամանակ» թերթը գրում է. «Ժամանակ»-ի տեղեկություններով՝ նախկին գլխավոր դատախազ Գեւորգ Կոստանյանը առաջիկա օրերին կարող է նշանակվել ԱԱԾ տնօրենի տեղակալ: Իշխանության տարբեր ներկայացուցիչներ արդեն հասցրել են դրականորեն արտահայտվել Կոստանյանի մասնագիտական կարողությունների մասին՝ դրանով դրական ֆոն ապահովելով նրան Հին Հայաստանից Նոր Հայաստանի իշխանական համակարգ տեղափոխելու համար»: Առավել մանրամասն Ումի՞ց են սկսել կրճատումները «Ժողովուրդ» թերթը գրում է.   «Մարզպետարաններում պատրաստվում են լայնածավալ օպիտիմալացման` աշխատակազմի մինչեւ 30 տոկոսի կրճատմամբ: «Ժողովուրդ» օրաթերթը, սակայն, տեղեկացավ, որ աշխատանքային ֆոնդը մնալու է անփոփոխ: Փաստորեն ստացվում է` մարզպետարանների աշխատողների աշխատավարձերը բարձրանալու են: Մարզպետարաններում կրճատումները սկսվել են հայեցակարգային պաշտոններից:     Ըստ մեր տեղեկ Սերժ Սարգսյան-Սեյրան Օհանյան առերեսում է տեղի է ունեցել «Հրապարակ»-ը գրում է. «Մեր տեղեկություններով` Սերժ Սարգսյանի հարցաքննություններից մեկի ժամանակ տեղի է ունեցել առերեսում Սեյրան Օհանյանի հետ։ «Լուրերը, թե Ս. Օհանյանը ցուցմունք է տվել Սերժ Սարգսյանի դեմ, չեն համապատասխանում իրականությանը, ավելին` տեղյակ ենք, որ Օհանյանն ասել է` Սերժ Սարգսյանը եղել է իմ գերագույն հրամանատարը։ Մի խոսքով` Սեյրանն իրեն ճիշտ է պահել»,- ասաց Ս. Սարգսյանին մոտ կանգնա
website by Sargssyan